|
Мана шундан келиб чиқиб, фикрлайдиган бўлсак, Аллоҳ нима учун ёмон сеҳргарларнинг ишини бекор қилмади ёки нима учун Аллоҳнинг Ўзи бизни фақат яхши амаллар қиладиган, ёмон амаллардан тийиладиган қилиб қўя қолмади, деган саволларга ўрин қолмайди. Аллоҳ бизга яхшилик нимаю ёмонлик нималигини баён қилиб, улардан қайси бирини танлашни ўз ихтиёримизга ташлаб қўйди. Бу ишда Аллоҳнинг бир ҳикмати бор.
لَا يُسْأَلُ عَمَّا يَفْعَلُ وَهُمْ يُسْأَلُونَ
– „У Ўзи қиладиган бирон нарса ҳақида масҳул бўлмас, улар (яъни бандалар эса қиладиган ҳар бир иш-амаллари хусусида) масҳул бўлурлар“. [21:23]
Лекин биз ҳар қандай ҳолатда ҳам Аллоҳнинг мулкида Аллоҳнинг хоҳишисиз, Аллоҳнинг иродасисиз, Аллоҳнинг изнисиз ҳеч бир иш содир бўлмаслигига эътиқод қилишимиз вожиб.
9-
وَلَقَدْ عَلِمُواْ لَمَنِ اشْتَرَاهُ مَا لَهُ فِي الآخِرَةِ مِنْ خَلاَقٍ
(Ахир(Аллоҳнинг китоби ўрнига сеҳрни) алмашган кимсаларга Охиратда ҳеч қандай насиба йўқ эканини билган эдилар-ку ).
Бу гап сеҳрдаги ҳамма нарса ёмонлик, деган маънони англатади. Бу улар ўрганаётган нарсанинг яъни, сеҳрнинг тавсифидир.
يُعَلِّمُونَ النَّاسَ السِّحْرَ
(Одамларга сеҳр ўргатадиган). Бу васф қандай маъноларга далолат қилиши очиқ кўриниб турибди. У уни ўрганган одамга фойда қилмайди, аксинча зарар қилади. Сеҳрнинг ҳамма ёғи зарар. Бирон жойи ҳам фойда эмас.
Кейин Аллоҳ Таоло яна шуни баён қиляптики, мазкур тахлитда сеҳр билан шуғулланган одамга охиратда ҳеч қандай насиба йўқ. Чунки Аллоҳга ва Унинг оятларига куфр келтиряпти.
(اشْتَرَاهُ ). Бу ерда бу сўз мажозий маънода, шу ишни ўзларига ҳунар қилиб олганлар, деган маънода келяпти. Нарсани сотиб олиш унинг ўзини ишлатиб ёки ундан бирор эваз олиб, ундан фойдаланишдир. Бу ерда бу сўз сеҳргарликни даромад келтирадиган ҳунар қилиб олиш маъносида қўлланяпти. Гўё у сеҳрни сотиб оляпти.
وَلَقَدْ عَلِمُواْ لَمَنِ اشْتَرَاهُ مَا لَهُ فِي الآخِرَةِ مِنْ خَلاَقٍ
(Ахир (Аллоҳнинг китоби ўрнига сеҳрни) алмашган кимсаларга охиратда ҳеч қандай насиба йўқ эканини билган эдилар-ку). Тийилишни талаб қилиш, яъни, сеҳр билан шуғулланишдан қатъий ман қилиш маъносидаги дарак гап.
وَلَبِئْسَ مَا شَرَوْاْ بِهِ أَنفُسَهُمْ لَوْ كَانُواْ يَعْلَمُونَ
162-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204